MAZAN JADDADA SUNNAH AN KWANTA DAMA 😭😭
Jiya Talata war haka ajalin jinya bata kama Malam Abubakar Giro Argungu ba, domin ya gudanar da karatu bayan sallar magrib zuwa isha
Bayan gama karatu yana komawa gida jinyar ajali ta riskeshi, ya koma ga Mahaliccin mu awa daya da suka wuce da nake wannan rubutu
Malam Abubakar Giro Argugun Malamina ne kuma tamkar Uba a gareni, Ya na Kaunata Saboda Allah, yana yawan kirana mu tattauna akan matsala na tsaro
Na fara magana da Malam lokacin da masu garkuwa da mutane suka kama Alaramma Sheikh Ahmad Ibrahim Suleman Kano, na bawa Malam shawarwari ta fuskar tsaro akan yadda Malamai zasu kare kansu tunda Gwamnatin Demokaradiyya ba zata iya basu kariya na tsaro ba
Wannan mutuwa na Malam ta girgizani matukar girgizawa, duniyar Musulunci ba zata manta da Malam ba, haka tarihin gwagwarmayar kungiyarmu na Izala ba zai cika ba sai an saka sunan Malam Abubakar Giro Argungu
Malamai sukace idan Allah Ya na so ya dauke albarkan ilmi a cikin mutane sai ya dauke Malamai, hakika Allah Ya dauke mana ilmin da ba zamu iya maye gurbinsa ba
Malam Abubakar Giro Argungu ya ga jiya ya ga yau, ya kare rayuwarsa yana mai hidima wa addinin Allah, muna kyautata masa zato ya dace da kyakkyawan karshe Insha Allah
Yaa Allah Ka jikan Malam
Yaa Allah Ka kula da iyalan Malam
Yaa Allah Ka saka masa da Aljannah Madaukakiya 😭😭😭
